ਗਾਹਕਾਂ ਨੂੰ ਵੱਡਾ ਝਟਕਾ: ਸੋਨੇ-ਚਾਂਦੀ ਦੀਆਂ ਕੀਮਤਾਂ 'ਚ ਅਚਾਨਕ ਆਇਆ ਰਿਕਾਰਡ ਤੋੜ ਉਛਾਲ, ਇੱਕੋ ਦਿਨ 'ਚ 6,000 ਰੁਪਏ ਤੱਕ ਵਧੇ ਭਾਅ

ਨਵੀਂ ਦਿੱਲੀ: ਸੋਨੇ (Gold) ਅਤੇ ਚਾਂਦੀ (Silver) ਦੇ ਭਾਅ ਲਗਾਤਾਰ ਅਸਮਾਨ ਛੂਹ ਰਹੇ ਹਨ। ਪਿਛਲੇ ਕੁਝ ਦਿਨਾਂ ਤੋਂ ਕੀਮਤਾਂ ਵਿੱਚ ਭਾਰੀ ਗਿਰਾਵਟ ਦੇਖਣ ਨੂੰ ਮਿਲੀ ਸੀ, ਪਰ ਇਸ ਕਾਰੋਬਾਰੀ ਹਫ਼ਤੇ ਦੀ ਸ਼ੁਰੂਆਤ ਹੁੰਦੇ ਹੀ ਸੋਨੇ ਅਤੇ ਚਾਂਦੀ ਦੀ ਚਮਕ ਵਾਪਸ ਆ ਗਈ ਹੈ। ਅਚਾਨਕ ਸੋਨੇ-ਚਾਂਦੀ ਦੇ ਦਾਮ ਕਾਫ਼ੀ ਤੇਜ਼ੀ ਨਾਲ ਵਧੇ ਹਨ। Comex 'ਤੇ ਸੋਨਾ 74.90 ਡਾਲਰ ਉਛਲ ਕੇ 4,227.50 ਡਾਲਰ ਪ੍ਰਤੀ ਔਂਸ ਦੇ ਪਾਰ ਚਲਾ ਗਿਆ। ਚਾਂਦੀ ਵੀ 62.070 ਡਾਲਰ ਪ੍ਰਤੀ ਔਂਸ ਦੇ ਪਾਰ ਕਾਰੋਬਾਰ ਕਰਦੀ ਦਿਖਾਈ ਦਿੱਤੀ।

ਗਲੋਬਲ ਬਾਜ਼ਾਰ 'ਚ ਕੀ ਹਨ ਕੀਮਤਾਂ?

ਅੰਤਰਰਾਸ਼ਟਰੀ ਬਾਜ਼ਾਰ Comex 'ਚ ਸੋਨੇ ਅਤੇ ਚਾਂਦੀ ਦੇ ਦਾਮ 'ਚ ਤੇਜ਼ੀ ਦੇਖਣ ਨੂੰ ਮਿਲੀ ਹੈ। 5 ਅਗਸਤ ਯਾਨੀ ਅੱਜ ਦੁਪਹਿਰ ਲਗਭਗ 1 ਵਜੇ ਸੋਨਾ 1.85% ਤੱਕ ਚੜ੍ਹਿਆ ਅਤੇ ਕੀਮਤ 4,277.10 ਡਾਲਰ ਪ੍ਰਤੀ ਔਂਸ 'ਤੇ ਪਹੁੰਚ ਗਈ। ਉੱਥੇ ਹੀ ਚਾਂਦੀ ਦੇ ਦਾਮ ਵੀ ਕਾਫ਼ੀ ਤੇਜ਼ੀ ਨਾਲ ਚੜ੍ਹਦੇ ਦਿਖੇ। ਚਾਂਦੀ 3.03% ਉਛਲ ਕੇ 62.070 ਡਾਲਰ ਪ੍ਰਤੀ ਔਂਸ 'ਤੇ ਟਰੇਡ ਕਰ ਰਹੀ ਹੈ।

MCX 'ਤੇ ਕੀ ਹੈ ਰੇਟ?

ਮਲਟੀ ਕਮੋਡਿਟੀ ਐਕਸਚੇਂਜ ਯਾਨੀ MCX 'ਤੇ ਸੋਨੇ ਦੀ ਕੀਮਤ 'ਚ ਉਛਾਲ ਦੇਖਿਆ ਗਿਆ। MCX 'ਤੇ ਸੋਨਾ ਚੜ੍ਹ ਕੇ ਲਗਭਗ ₹1.45 ਲੱਖ ਪ੍ਰਤੀ 10 ਗ੍ਰਾਮ ਦੇ ਆਸ-ਪਾਸ ਟਰੇਡ ਕਰਦਾ ਦਿਖਿਆ ਹੈ। ਉੱਥੇ ਹੀ ਭਾਰਤ 'ਚ ਚਾਂਦੀ ਦੇ ਭਾਅ 'ਚ ਵੀ ਤੇਜ਼ੀ ਦੇਖਣ ਨੂੰ ਮਿਲੀ ਹੈ। ਇਹ ਚੜ੍ਹ ਕੇ ₹2.26 ਲੱਖ ਪ੍ਰਤੀ ਕਿਲੋਗ੍ਰਾਮ ਦੇ ਆਸ-ਪਾਸ ਟਰੇਡ ਕਰਦੀ ਦਿਖਾਈ ਦਿੱਤੀ।