- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਮੁੰਬਈ 'ਚ ਤੇਜ਼ ਰਫ਼ਤਾਰ ਦਾ ਕਹਿਰ, ਬੇਕਾਬੂ BMW ਨੇ 4 ਲੋਕਾਂ ਨੂੰ ਕੁਚਲਿਆ; 3 ਦੀ ਦਰਦਨਾਕ ਮੌਤ
ਮੁੰਬਈ ਕੋਸਟਲ ਰੋਡ ’ਤੇ ਤੇਜ਼ ਰਫ਼ਤਾਰ BMW ਕਾਰ ਐਤਵਾਰ ਸਵੇਰੇ ਹਾਦਸੇ ਦਾ ਸ਼ਿਕਾਰ ਹੋ ਗਈ। ਇਸ ਹਾਦਸੇ 'ਚ ਤਿੰਨ ਲੋਕਾਂ ਦੀ ਮੌਤ ਹੋ ਗਈ, ਜਦਕਿ ਇੱਕ ਵਿਅਕਤੀ ਗੰਭੀਰ ਰੂਪ 'ਚ ਜ਼ਖ਼ਮੀ ਹੋ ਗਿਆ। ਬ੍ਰਿਹਨਮੁੰਬਈ ਮਿਊਂਸਿਪਲ ਕਾਰਪੋਰੇਸ਼ਨ (BMC) ਨੇ ਦੱਸਿਆ ਕਿ ਮਰੀਨ ਡਰਾਈਵ ਤੋਂ ਹਾਜੀ ਅਲੀ ਵੱਲ ਜਾਂਦੇ ਸਮੇਂ ਕੋਸਟਲ ਰੋਡ ’ਤੇ ਲੋਟਸ ਜੈਟੀ ਨੇੜੇ ਤੇਜ਼ ਰਫ਼ਤਾਰ BMW ਕਾਰ ਹਾਦਸੇ ਦਾ ਸ਼ਿਕਾਰ ਹੋ ਗਈ। ਇਸ ਹਾਦਸੇ 'ਚ ਤਿੰਨ ਲੋਕਾਂ ਦੀ ਮੌਤ ਹੋ ਗਈ ਅਤੇ ਇੱਕ ਵਿਅਕਤੀ ਗੰਭੀਰ ਰੂਪ 'ਚ ਜ਼ਖ਼ਮੀ ਹੋ ਗਿਆ।
Posted By Sunita
Publish Date: Sun, 20 Sep 2026 10:34 AM (IST)
Updated Date: Sun, 20 Sep 2026 10:44 AM (IST)
ਡਿਜ਼ੀਟਲ ਡੈਸਕ, ਮੁੰਬਈ - ਮੁੰਬਈ ਕੋਸਟਲ ਰੋਡ ’ਤੇ ਤੇਜ਼ ਰਫ਼ਤਾਰ BMW ਕਾਰ ਐਤਵਾਰ ਸਵੇਰੇ ਹਾਦਸੇ ਦਾ ਸ਼ਿਕਾਰ ਹੋ ਗਈ। ਇਸ ਹਾਦਸੇ 'ਚ ਤਿੰਨ ਲੋਕਾਂ ਦੀ ਮੌਤ ਹੋ ਗਈ, ਜਦਕਿ ਇੱਕ ਵਿਅਕਤੀ ਗੰਭੀਰ ਰੂਪ 'ਚ ਜ਼ਖ਼ਮੀ ਹੋ ਗਿਆ। ਬ੍ਰਿਹਨਮੁੰਬਈ ਮਿਊਂਸਿਪਲ ਕਾਰਪੋਰੇਸ਼ਨ (BMC) ਨੇ ਦੱਸਿਆ ਕਿ ਮਰੀਨ ਡਰਾਈਵ ਤੋਂ ਹਾਜੀ ਅਲੀ ਵੱਲ ਜਾਂਦੇ ਸਮੇਂ ਕੋਸਟਲ ਰੋਡ ’ਤੇ ਲੋਟਸ ਜੈਟੀ ਨੇੜੇ ਤੇਜ਼ ਰਫ਼ਤਾਰ BMW ਕਾਰ ਹਾਦਸੇ ਦਾ ਸ਼ਿਕਾਰ ਹੋ ਗਈ। ਇਸ ਹਾਦਸੇ 'ਚ ਤਿੰਨ ਲੋਕਾਂ ਦੀ ਮੌਤ ਹੋ ਗਈ ਅਤੇ ਇੱਕ ਵਿਅਕਤੀ ਗੰਭੀਰ ਰੂਪ 'ਚ ਜ਼ਖ਼ਮੀ ਹੋ ਗਿਆ।
ਮ੍ਰਿਤਕਾਂ 'ਚੋਂ ਦੋ ਦੀ ਪਛਾਣ ਹੋਈ
ਨਾਇਰ ਹਸਪਤਾਲ ਦੇ ਮੁੱਖ ਮੈਡੀਕਲ ਅਫ਼ਸਰ ਮੁਤਾਬਕ, ਮ੍ਰਿਤਕਾਂ 'ਚੋਂ ਦੋ ਦੀ ਪਛਾਣ ਸ਼ਨਾਯ ਗੱਜਲ (21) ਅਤੇ ਧੈਰਿਆ ਸੇਠ (17) ਵਜੋਂ ਹੋਈ ਹੈ। ਇਸ ਤੋਂ ਇਲਾਵਾ ਇੱਕ ਅਣਪਛਾਤੇ 25 ਸਾਲਾ ਵਿਅਕਤੀ ਨੂੰ ਵੀ ਹਸਪਤਾਲ ਲਿਆਂਦੇ ਜਾਣ ’ਤੇ ਮ੍ਰਿਤਕ ਐਲਾਨ ਦਿੱਤਾ ਗਿਆ। ਇੱਕ 20 ਸਾਲਾ ਅਣਪਛਾਤੇ ਵਿਅਕਤੀ ਦੀ ਹਾਲਤ ਗੰਭੀਰ ਬਣੀ ਹੋਈ ਹੈ ਅਤੇ ਉਸਨੂੰ ਟਰੌਮਾ ਵਾਰਡ 'ਚ ਦਾਖ਼ਲ ਕਰਵਾਇਆ ਗਿਆ ਹੈ।
ਲੋਟਸ ਜੈਟੀ ਨੇੜੇ ਡਰਾਈਵਰ ਦਾ ਕਾਰ ’ਤੇ ਕਾਬੂ ਛੁੱਟਿਆ
ਕੋਸਟਲ ਰੋਡ ਕੰਟਰੋਲ ਰੂਮ ਮੁਤਾਬਕ, ਲਾਲਾ ਲਾਜਪਤ ਰਾਏ ਕਾਲਜ ਦੇ ਸਾਹਮਣੇ ਲੋਟਸ ਜੈਟੀ ਨੇੜੇ ਕਾਰ ਚਾਲਕ ਦਾ ਗੱਡੀ ’ਤੇ ਕਾਬੂ ਛੁੱਟ ਗਿਆ। ਕਾਰ 'ਚ ਸਵਾਰ ਚਾਰਾਂ ਲੋਕਾਂ ਨੂੰ ਤੁਰੰਤ ਨੇੜਲੇ ਨਗਰ ਨਿਗਮ ਵੱਲੋਂ ਚਲਾਏ ਜਾਂਦੇ ਨਾਇਰ ਹਸਪਤਾਲ ਲਿਜਾਇਆ ਗਿਆ, ਜਿੱਥੇ ਉਨ੍ਹਾਂ 'ਚੋਂ ਤਿੰਨ ਨੂੰ ਮ੍ਰਿਤਕ ਐਲਾਨ ਦਿੱਤਾ ਗਿਆ।
ਕਾਰ 'ਚ ਸਵਾਰ ਚੌਥੇ ਵਿਅਕਤੀ ਦੀ ਪਛਾਣ ਨਹੀਂ ਹੋ ਸਕੀ
ਅਧਿਕਾਰੀ ਨੇ ਦੱਸਿਆ ਕਿ ਕਾਰ 'ਚ ਸਵਾਰ ਚੌਥੇ ਵਿਅਕਤੀ ਨੂੰ ਗੰਭੀਰ ਸੱਟਾਂ ਲੱਗੀਆਂ ਹਨ ਅਤੇ ਉਹ ਇਸ ਸਮੇਂ ਹਸਪਤਾਲ ਦੇ ਟਰੌਮਾ ਵਾਰਡ 'ਚ ਗੰਭੀਰ ਹਾਲਤ 'ਚ ਦਾਖ਼ਲ ਹੈ। ਉਸ ਦੀ ਉਮਰ ਲਗਭਗ 20 ਸਾਲ ਹੈ ਅਤੇ ਅਜੇ ਤੱਕ ਉਸ ਦੀ ਪਛਾਣ ਨਹੀਂ ਹੋ ਸਕੀ ਹੈ। ਮੁੰਬਈ ਕੋਸਟਲ ਰੋਡ 10.58 ਕਿਲੋਮੀਟਰ ਲੰਬਾ ਹਾਈ-ਸਪੀਡ ਫ੍ਰੀਵੇਅ ਹੈ, ਜੋ ਦੱਖਣੀ ਮੁੰਬਈ 'ਚ ਮਰੀਨ ਡਰਾਈਵ ਨੂੰ ਬਾਂਦਰਾ-ਵਰਲੀ ਸੀ ਲਿੰਕ ਦੇ ਵਰਲੀ ਸਿਰੇ ਨਾਲ ਜੋੜਦਾ ਹੈ।