ਗਲ਼ੇ ਲਾਉਣ ਲਈ ਅੱਗੇ ਵਧੇ ਮੈਕ੍ਰੋਂ ਤਾਂ ਇਕਦਮ ਪਿੱਛੇ ਹਟ ਗਈ ਆਈਸਲੈਂਡ ਦੀ PM; ਅਜੀਬ ਪਲ਼ ਦੀ ਵੀਡੀਓ ਵਾਇਰਲ

ਇਮੈਨੁਅਲ ਮੈਕ੍ਰੋਂ ਨੇ ਜਿਵੇਂ ਹੀ ਆਈਸਲੈਂਡ ਦੀ ਪ੍ਰਧਾਨ ਮੰਤਰੀ ਕ੍ਰਿਸਟ੍ਰੂਨ ਫ੍ਰੋਸਟਾਡੋਟੀਰ ਦਾ ਸਵਾਗਤ ਕਰਦਿਆਂ ਉਨ੍ਹਾਂ ਨੂੰ ਗਲੇ ਲਗਾਉਣ ਲਈ ਅੱਗੇ ਝੁਕਣ ਦੀ ਕੋਸ਼ਿਸ਼ ਕੀਤੀ, ਉਸੇ ਦੌਰਾਨ ਫ੍ਰੋਸਟਾਡੋਟੀਰ ਪਿੱਛੇ ਹਟ ਗਈ। ਇਹ ਪਲ ਕੈਮਰੇ 'ਚ ਕੈਦ ਹੋ ਗਿਆ। ਇਸ ਘਟਨਾ ਕਾਰਨ ਦੋਵਾਂ ਦੀ ਦੋਸਤਾਨਾ ਮੁਲਾਕਾਤ ਦੌਰਾਨ ਕੁਝ ਪਲਾਂ ਲਈ ਅਸਹਿਜ ਸਥਿਤੀ ਬਣ ਗਈ।

Posted By Seema Anand

Publish Date: Fri, 13 Nov 2026 04:08 PM (IST)

Updated Date: Fri, 13 Nov 2026 04:10 PM (IST)

ਗਲ਼ੇ ਲਾਉਣ ਲਈ ਅੱਗੇ ਵਧੇ ਮੈਕ੍ਰੋਂ ਤਾਂ ਇਕਦਮ ਪਿੱਛੇ ਹਟ ਗਈ ਆਈਸਲੈਂਡ ਦੀ PM; ਅਜੀਬ ਪਲ਼ ਦੀ ਵੀਡੀਓ ਵਾਇਰਲ

ਡਿਜੀਟਲ ਡੈਸਕ, ਡਬਲਿਨ: ਆਇਰਲੈਂਡ ਗਣਰਾਜ ਦੀ ਰਾਜਧਾਨੀ ਡਬਲਿਨ 'ਚ ਵੀਰਵਾਰ, 12 ਨਵੰਬਰ 2026 ਨੂੰ 'ਯੂਰਪੀਅਨ ਪੋਲੀਟੀਕਲ ਕਮਿਊਨਿਟੀ' (EPC) ਦੀ ਇਕ ਬੈਠਕ ਹੋਈ। ਇਸ ਗੋਲਮੇਜ਼ ਬੈਠਕ 'ਚ ਆਈਸਲੈਂਡ ਦੀ ਪ੍ਰਧਾਨ ਮੰਤਰੀ ਕ੍ਰਿਸਟ੍ਰੂਨ ਫ੍ਰੋਸਟਾਡੋਟੀਰ ਅਤੇ ਫਰਾਂਸ ਦੇ ਰਾਸ਼ਟਰਪਤੀ ਇਮੈਨੁਅਲ ਮੈਕ੍ਰੋਂ ਸ਼ਾਮਲ ਹੋਏ।

ਯੂਰਪੀ ਆਗੂਆਂ ਦੀ ਇਸ ਬੈਠਕ ਦੌਰਾਨ ਇਮੈਨੁਅਲ ਮੈਕ੍ਰੋਂ ਅਤੇ ਕ੍ਰਿਸਟ੍ਰੂਨ ਮਿਓਲ ਫ੍ਰੋਸਟਾਡੋਟੀਰ ਵਿਚਾਲੇ ਇਕ ਅਸਹਿਜ ਪਲ ਦੇਖਣ ਨੂੰ ਮਿਲਿਆ, ਜੋ ਕੈਮਰੇ 'ਚ ਕੈਦ ਹੋ ਗਿਆ।

ਫਰਾਂਸ ਦੇ ਰਾਸ਼ਟਰਪਤੀ ਅਤੇ ਆਈਸਲੈਂਡ ਦੀ PM ਵਿਚਾਲੇ ਅਜੀਬ ਪਲ

ਡਬਲਿਨ 'ਚ ਫਰਾਂਸ ਦੇ ਰਾਸ਼ਟਰਪਤੀ ਇਮੈਨੁਅਲ ਮੈਕ੍ਰੋਂ ਅਤੇ ਆਈਸਲੈਂਡ ਦੀ ਪ੍ਰਧਾਨ ਮੰਤਰੀ ਕ੍ਰਿਸਟ੍ਰੂਨ ਫ੍ਰੋਸਟਾਡੋਟੀਰ ਦੀ ਮੁਲਾਕਾਤ ਦੌਰਾਨ ਇਕ ਅਜੀਬ ਕੂਟਨੀਤਕ ਪਲ ਕੈਮਰੇ 'ਚ ਕੈਦ ਹੋ ਗਿਆ।

ਇਮੈਨੁਅਲ ਮੈਕ੍ਰੋਂ ਅਤੇ ਕ੍ਰਿਸਟ੍ਰੂਨ ਫ੍ਰੋਸਟਾਡੋਟੀਰ ਦੀ ਇਹ ਤਸਵੀਰ ਸਾਹਮਣੇ ਆਉਂਦੇ ਹੀ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਗਈ। ਦੋਵਾਂ ਦੇਸ਼ਾਂ ਦੇ ਮੁਖੀਆਂ ਵਿਚਾਲੇ ਇਹ ਪਲ ਚਰਚਾ ਦਾ ਵਿਸ਼ਾ ਬਣ ਗਿਆ।

ਡਬਲਿਨ 'ਚ ਸ਼ਿਖਰ ਸੰਮੇਲਨ

ਡਬਲਿਨ 'ਚ ਵੀਰਵਾਰ ਨੂੰ ਲਿਫੀ ਨਦੀ ਦੇ ਕੰਢੇ 40 ਤੋਂ ਵੱਧ ਯੂਰਪੀ ਦੇਸ਼ਾਂ ਦੇ ਆਗੂ ਇਕ ਸ਼ਿਖਰ ਸੰਮੇਲਨ ਲਈ ਇਕੱਠੇ ਹੋਏ। ਇਸ ਸੰਮੇਲਨ 'ਚ ਯੂਰਪ ਦੀ ਨਾਜ਼ੁਕ ਸੁਰੱਖਿਆ ਵਿਵਸਥਾ ਮੁੱਖ ਮੁੱਦਾ ਰਹੀ। ਇਸ ਦੇ ਨਾਲ ਹੀ ਰੂਸ-ਯੂਕਰੇਨ ਜੰਗ ਖ਼ਤਮ ਕਰਨ ਲਈ ਗੱਲਬਾਤ ਮੁੜ ਸ਼ੁਰੂ ਕਰਨ ਦੀ ਇਕ ਨਵੀਂ ਕੋਸ਼ਿਸ਼ ਵੀ ਚੱਲ ਰਹੀ ਹੈ, ਜਿਸ ਨੂੰ ਅਮਰੀਕਾ ਦਾ ਸਮਰਥਨ ਹਾਸਲ ਹੈ।

'ਯੂਰਪੀਅਨ ਪੋਲੀਟੀਕਲ ਕਮਿਊਨਿਟੀ' (EPC) ਦੀ ਇਸ ਬੈਠਕ 'ਚ ਯੂਰਪੀ ਸੰਘ ਅਤੇ ਬ੍ਰਿਟੇਨ ਸਮੇਤ ਹੋਰ ਯੂਰਪੀ ਦੇਸ਼ਾਂ ਦੇ ਰਾਸ਼ਟਰਪਤੀ ਅਤੇ ਸਰਕਾਰਾਂ ਦੇ ਮੁਖੀ ਸ਼ਾਮਲ ਹੋਏ। ਇਨ੍ਹਾਂ ਤੋਂ ਇਲਾਵਾ ਯੂਕਰੇਨ ਦੇ ਰਾਸ਼ਟਰਪਤੀ ਵੋਲੋਦੀਮੀਰ ਜ਼ੇਲੈਂਸਕੀ, ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਅਤੇ ਨਾਟੋ ਦੇ ਸਕੱਤਰ ਜਨਰਲ ਮਾਰਕ ਰੁੱਟੇ ਵੀ ਮੌਜੂਦ ਰਹੇ।