ਸ਼ਿਲਪਾ ਸ਼ਿੰਦੇ ਦੇ ਝੂਠੇ ਸੈਕਸੁਅਲ ਹੈਰਾਸਮੈਂਟ ਮਾਮਲੇ 'ਚ ਗਰਮਾਇਆ ਵਿਵਾਦ, AICWA ਨੇ CM ਫੜਨਵੀਸ ਨੂੰ ਕੀਤੀ ਕਾਨੂੰਨੀ ਐਕਸ਼ਨ ਦੀ ਅਪੀਲ !

ਸ਼ੁੱਕਰਵਾਰ ਨੂੰ 'ਆਲ ਇੰਡੀਅਨ ਸਿਨੇ ਵਰਕਰਜ਼ ਐਸੋਸੀਏਸ਼ਨ' (AICWA) ਨੇ ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ ਅਕਾਊਂਟ 'ਤੇ ਇੱਕ ਬਿਆਨ ਜਾਰੀ ਕਰਦਿਆਂ ਪੋਸਟ ਸਾਂਝੀ ਕੀਤੀ ਹੈ। ਇਸ ਬਿਆਨ ਵਿੱਚ ਜ਼ਿਕਰ ਕੀਤਾ ਗਿਆ ਹੈ ਕਿ ਅਦਾਕਾਰਾ ਸ਼ਿਲਪਾ ਸ਼ਿੰਦੇ ਨੇ 'ਭਾਬੀ ਜੀ ਘਰ ਪਰ ਹੈਂ' ਦੇ ਪ੍ਰੋਡਿਊਸਰ ਸੰਜੇ ਕੋਹਲੀ 'ਤੇ ਜੋ ਜਿਨਸੀ ਸ਼ੋਸ਼ਣ ਦੇ ਝੂਠੇ ਇਲਜ਼ਾਮ ਲਗਾਏ ਹਨ, ਉਹ ਬਾਲੀਵੁੱਡ ਅਤੇ ਟੀਵੀ ਇੰਡਸਟਰੀ ਲਈ ਇੱਕ ਚਿੰਤਾ ਦਾ ਵਿਸ਼ਾ ਬਣ ਚੁੱਕਾ ਹੈ। ਇਸ ਬਿਆਨ ਵਿੱਚ ਕਿਹਾ ਗਿਆ,"ਸੈਕਸੁਅਲ ਹੈਰਾਸਮੈਂਟ ਦੇ ਝੂਠੇ ਇਲਜ਼ਾਮ ਲਗਾਉਣਾ ਕਿਸੇ ਵਿਅਕਤੀ ਦੀ ਸਾਖ, ਉਸ ਦੇ ਪਰਿਵਾਰ, ਬੱਚਿਆਂ, ਕਰੀਅਰ ਅਤੇ ਉਸ ਦੀ ਮਾਨਸਿਕ ਸਥਿਤੀ ਨੂੰ ਗੰਭੀਰ ਨੁਕਸਾਨ ਪਹੁੰਚਾ ਸਕਦਾ ਹੈ। ਅਜਿਹੇ ਇਲਜ਼ਾਮ ਕਿਸੇ ਮਰਦ ਦੇ ਅਕਸ ਨੂੰ ਹਮੇਸ਼ਾ ਲਈ ਖ਼ਰਾਬ ਕਰ ਸਕਦੇ ਹਨ। ਇਹ ਚੀਜ਼ਾਂ ਨਾ ਸਿਰਫ਼ ਉਸ ਇਨਸਾਨ ਨੂੰ ਤੋੜਦੀਆਂ ਹਨ, ਬਲਕਿ ਉਨ੍ਹਾਂ ਦੇ ਪਰਿਵਾਰ ਅਤੇ ਚਾਹੁਣ ਵਾਲਿਆਂ ਦੇ ਮਨ ਵਿੱਚ ਵੀ ਉਸ ਪ੍ਰਤੀ ਗਲਤਫ਼ਹਿਮੀ ਪੈਦਾ ਕਰਦੀਆਂ ਹਨ।"